Ang Cebu City adunay 16 ka bag-ong kaso sa Delta variant, tanan nakuha sa lokal nga transmisyon, matud pa sa Regional Epidemiology Surveillance Unit sa Department of Health-7 nga gi-anunsyo karong adlawa, Septyembre 13, 2021.
Ang tanan nga bag-ong kaso sa Delta variant gikuha kini sa samples nga nakulekta pag Agosto 8, 2021. Ang tanan hinoon nga natakdan sa among variant nanga-ayo na.
Ang 16 ka kaso sa Cebu City apil kini sa 640 ka bag-ong Delta variant karong adlawa sa tibuok nasud, matud pa sa DOH, University of the Philippines – Philippine Genome Center (UP-PGC) ug University of the Philippines – National Institutes of Health (UP-NIH).
Si Cebu City Emergency Operations Center chief implementer Joel Garganera nagkanayon nga pag Hunyo ning tuiga pa lang, gikonsiderar na sa EOC nga naa nay daghang Delta variant gumikan sa grabe nga pagsaka sa COVID-19 nga kaso ug nikuyanap na kini sa tibuok siyudad. (By: April Therese Tan)