Nahuman na ang daghang hungihong human niangkon ug ni anunsiyo na si kanhi Department of Tourism Secretary Ace Durano karong adlawa, Setyembre 29, 2021, nga modagan siya isip gubernador sa Cebu karong umaabot nga 2022 nga piniliay.
“It took time for me to decide kay sa tinuoray lang, ni retiro nako sa politika and okay na gyud ko sa pribado na kinabuhi kuyog sa akong pamilya. But considering the current situation of the Province tungod aning Covid, if we remain to address it the way we are currently doing so, then this pandemic would affect us for a much-prolonged time,” matud pa ni Durano sa iyang press statement.
Hagbay ra nakig meeting si Durano sa nagkadaiyang mga sectoral leader sa tibuok probinsiya sa Cebu aron madungag ang ilang mga yangungu ug uban pang mga kaaligutgut.
Isip ilang tubag, ang mga sectoral leader gikan sa urban poor, youth, health workers, transport, LGBTQ ug ingon man mga leader sa non government organization nagkatapok ug nagkahiusa kagahapong adlawa alang sa pagsuporta ni Durano ug sa iyang runningmate.
“Pasabot ana mas dugay ta na dili makakuyog ug makakita sa atong pamilya, mas dugay na dili ta maka-adto sa ubang lugar, and sadly, mas dugay ang panahon na sige ta’g kahadlok na mawad-an napud ta’g minahal sa kinabuhi tungod aning COVID,” matud pa ni Durano sa iyang paglansad unya isip gobernador.
Ang runningmate ni Durano mohatag ra sa iyang anunsiyo karong hapon.
Apan naa nay daghang hungihong nga an incumbent bise gubernador nga si Hilario “Junjun” Davide III maoy runningmate ni Durano. (By: April Therese Tan)