By: Francis Pio
Sa loob lamang ng tatlong araw, ang bilang ng mga aktibong kaso ng COVID-19 sa Bukidnon ay tumaas ng higit sa 100%, na nag-udyok kay Gobernador Jose Maria Zubiri na himukin muli ang mga residente na magpabakuna upang masugpo ang pagkalat ng virus.
Nakapagtala ang Provincial Health Office noong Sabado, Enero 22, ng kabuuang 1,047 na aktibong kaso sa lalawigan kaya ibinalik nito ang mas mahigpit na panuntunan sa paglalakbay matapos isailalim ng COVID-19 Interagency Task Force (IATF) sa Alert Level 3 category hanggang Enero 31 ang probinsya.
Ang lalawigan ay nag-ulat ng 446 na aktibong kaso ng COVID-19 noong Miyerkules, Enero 19, na nagpapakita na ang bilang ay tumaas higit sa doble sa loob ng tatlong araw.
Sinabi ni Dr. Gary Guido Tabios, provincial health chief, na mayroon lamang 9 na aktibong kaso ang lalawigan noong Disyembre 29, 2021, at bigla itong tumaas sa 20 noong Enero 3.