Matud pa ni Cebu City acting Mayor Michael Rama nga base sa konsultasyon sa nagkadaiyang sektor, nakita nga mas maaayo nga ipadayon ang pagbutang sa siyudad ubos sa General Community Quarantine (GCQ) hangtud sunod buwan, samtang ang kagamhanan sa siyudad padayon ang magpabukana sa iyang ginsakupan.
Padayon ang pag-awhag ni Rama sa iyang ginsakupan nga magpabakuna gayud labi na nga daghang bakuna batok COVID-19 nga nangabot na.
“Again, choose no brand unless you pay for it elsewhere. Vaccines are free,” matud pa ni Rama sa iyang public statement karong adlawa, Septyembre 27, 2021.
Si Rama nga buot nagpapili pag usab isip mayor sa siyudad, nag awhag sa tanan nga padayon nga magtinabangay aron mahimong “socially conscious citizen”, nga nakigbatok sa pandemya samtang gi-ila ang kontribusyon sa tanang lungsuranon, tigpatuman sa balaod ug force multiplier sa padayon ang pagkunhod sa kaso sa COVID-19. (By: April Therese Tan)