Gatusan ka mga partisipante nga sakop sa nagkada-iyang organisasyon sa basic sectors, political blocs ug partidos ang niapil sa usa ka oras nga “Stand Up Silent Protest” alang sa paghinumdum sa ika-49 nga anibersaryo sa Martial Law.
“The lessons learned of Martial Law should not be forgotten and should be passed on to the young generation. Never again to Martial Law and Elite Rule must come to an end,” matud pa ni Teody Navea, ang secretary general sa Sanlakas-Cebu.
Samtang ang mga progresibong grupo ubos sa Bagong Alyansang Makabayan (BAYAN)-Central Visayas nag martsa padung sa Colon St. sa Cebu City alang sa pagkondenar sa kabangis sa administrasyong Duterte samtang nanawagan usab sila sa pagpalagpot ni Duterte sa iyang katungdann.
Matud pa sa BAYAN-Central Visayas nga si Duterte nagsunod kini sa lakang sa kanhi diktador nga presidente diin ebidensiya kini nga walay nausab sulod sa 49 ka tuig sukad nga gi deklarar ang Martial Law.
“It is proof that Duterte did not bring change as he promised during his campaign and has even worsened the country’s political situation,” matud pa ni Jaime Paglinawan, ang tigpamaba sa BAYAN-Central Visayas
Ang BAYAN-Central Visayas nagpadayag usab sa ilang suporta sa imbistigasyon sa International Criminal Court (ICC) kabahin sa mga kalapasan sa tawhanong katungod ubos sa rehimeng Duterte. (By: April Therese Tan)