By: April Therese Tan
Ang Department of Social Welfare and Development-Central Visayas bag-o lang nakadawat og donasyon gikan sa Japan pinaagi sa Japan International Cooperation Agency (JICA), nga gi representahan sa ilang consul general nga si Toshihide Kawasaki, didto sa Regional Warehouse sa Labangon, Cebu City.
Si DSWD-7 regional director Rebecca Geamala nanghinaot nga dili lang kini ang pirmiro sa mga daghan pa unyang pakig-alayon sa iyang departamento ug sa maong nasud alang sa mga pamilya sa Central Visayas.
Sa ilang opisyal nga mensahe, matud pa sa DSWD-7 nga ang donasyon naglangkob kini sa 25 ka boxes nga dome tents, lima ka boxes nga sleeping mattresses, 24 ka boxes nga sleeping pads, 225 ka plastic sheets, 15 ka units of nga cord reels, 30 sets ka adaptor plugs, ug lima ka boxes nga portable jerry cans.
Ang lungsod sa Sibonga, Argao, ug Cordova sa Cebu nga grabe ang nahiaguman sa bagyong Odette, maoy gitumbok nga makadawat sa maong donasyon.
Dugang pa sa DSWD-7 nga padayon ang ilang trabaho ug koordinasyon sa nagkadaiyang lokal nga kagamhanan aron sa paghatag og suporta ngadto sa mga lugar nga naigo sa maong bagyo.-(April Therese Tan)