By: April Therese Tan
Gamay ra ang mga pasahero ang nibiyahe gikan o padung sa Cebu tungod sa bagyong Paeng diin gipaubos sa signal number one ang Cebu.
Matud pa sa Cebu Port Authority, adunay lay 48,622 ka mga pasahero ang nalista nga gikan ug padulong sa Cebu sulod sa tulo ka adlaw pag Oktubre 27 hangtud Oktubre 30 ning tuiga.
Kini maoy kalambuan human gi activate sa CPA ang Oplan Biyaheng Ayos: Undas 2022 diin nagdahom sila nga adunay 300,000 ka mga pasahero ang moadto sa nagkadaiyang pwerto.
Ang tanang pwerto sa Cebu gipaubos sa heightened alert sugod Oktubre 28 hangtud Nobyembre 4, ning tuiga aron sa pagsiguro sa siguridad ug kaluwasan sa mga pasahero nga mo biyahe sa ilang probinsiya o siyudad alang sa pag obserbar sa All Saints’ Day ug All Souls’ Day.
“To further intensity our efforts to ensure safe and peaceful observance of Undas 2022 here in Cebu, more security personnel will be deployed in all ports to handle security, safety and passenger concerns,” matud pa ni CPA Acting Deputy General Manager Glenn B. Castillo sa iyang giluwatan nga mensahe.
Adunay ipakuyanap nga 730 ka mga security ug port personnel sa tanang pwerto sa Cebu sulod sa maong petsa.
Giawhag usab sa CPA ang publiko nga dili nagpait sa mga iligal nga tiket scalping ug mag book daan sa ilang mga tiket aron malikayan ang taas nga linya.
Kadton lang mga pasahero nga adunay tiket sa barko ug balido nga IDs ang tugutan nga makasulod sa pwerto, duha ka oras sa dili pa molarga ang barko nga ilang sakyan kay istrikto nga ipatuman sa CPA ang “No ticket, No ID, No Entry Policy”.
Giawhag usab ni Castillo ang publiko sa pagtuman sa health protocols labi na ang pagsul-ob sa face mask samtang naa kini sulod sa passenger terminal buildings.