Share:

By April Therese Tan

––

Adunay gibana-bana nga 1.8 milyones ka tinun-an sa Central Visayas ang nibalik sa pagtungha karong adlawa ug adunay 2,000 ka mga tunghaan ang nibalik ba usab sa ilang face to face classes.

Si Department of Education-7 regional director Salustiano Jimenez nagkanayon nga ilamg gitinguha nga adunay 2 milyones ka mga tinun-an sa elementary ug high school sa pang publiko ug pribadong tunghaan ang mobalik alang sa school year 2022-2023.

Sa Cebu, ang mga tinun-an sa elementarya ug high school naghinam-hinam na sa pagbalik sa face to face classes human sa sobra duha ka tuig nga sila nag modular o online classes lamang.

Matud pa ni Jimenez nga ang enrollment mahuman usab karong adlawa, Agosto 22, 2022 apan kadto adunay mga balido nga rason nganong dugay nakapa enrol ang mga ginikanan sa ilang mga anak, dawaton lang gihapon kini.

Gipahimangnuan usab ni Jimenez ang mga ginikanan nga kanunay nilang pahimangnuan ang ilang mga anak nga magsunod gihapon sa minumum health standards kay ang COVID-19 nagpabilin pa gihapon.

-(April Therese Tan)

Leave a Reply