By: Margaret Padilla
Ang matagal nang magkaribal na GMA-7 at ABS-CBN network ay nagpahayag ng “TV collaboration” para i-co-produce ang ‘Unbreak My Heart,’ na mapapanood sa GMA-7 at sa streaming platform, Viu, sa huling bahagi ng taong ito.
Ang ‘Unbreak My Heart’, ang reunion series ni Jodi Sta. Maria at Richard Yap, ay kukunan sa Switzerland.
Lalabas din sina Gabbi Garcia at Joshua Garcia sa pinakahihintay na palabas.
Ang anunsyo ay ginawa ngayon sa mga social media platform ng parehong network.
“This is a milestone in the industry. We’re thankful for this opportunity and very happy to work with GMA to serve our audiences. We unite as one team. We never imagined that this would happen,” ang pahayag ni ABS-CBN Chief Operations Officer Cory Vidanes sa story conference ngayon, Enero 23.
“It’s a first for Philippine TV and I’m sure it’s the audience that will be the winners in this collaboration. We’re very excited to be working with ABS-CBN on TV for the first time,” ayon kay GMA Senior, Vice-President for Programming, Talent Management, Worldwide, and Support Groups Atty. Annette Gozon-Valdes.
Sina Jodi at Joshua ay kapwa mga sikat na artista ng ABS-CBN, habang sina Richard at Gabbi ay mga talento naman ng GMA-7.
Bago ang kanyang mga proyekto sa GMA-7, nakilala si Richard bilang leading man ni Jodi sa kanilang 2012 romantic comedy series na “Be Careful With My Heart,” na ipinalabas sa loob ng dalawang taon.
Magiging streaming din ang teleserye sa VIU, isa pang project partner, sa 15 teritoryo ngayong taon.