Bise Presidente ug Presidential aspirant Leni Robredo ug runningmate Senator Francis “Kiko” Pangilinan nakadawat og hilabihang dako nga suporta sa mga Cebuanos atol sa ilang unang adlaw sa pagbisita sa Cebu.
Liboan ka mga Cebuanos nagkahiusa diin mura na og “sea of pink” ang mga lugar nga ilang gipang-adtoan (ilang mga suporters nagsul-ob kini og pink nga t-shirts ug facemask, nagkupot og pink ballon, stars ug pink tarpaulins).
Nagkanayon si Robredo nga dili sama sa tradiyunal nga kampanya diin ang mga kandidato mao ang moandam sa pag organisa, printing materials, ug pag eskedyul sa panghitabo apan karon nalahi na.
“Now it’s baliktad because even before we came over, a lot of many different initiatives were already being done by our supporters on the ground,” matud pa ni Robredo atol sa press conference nga gipahigayon.
Nibisita usab si Robredo sa Cebu Archbishop Palace diin nag courtesy call siya ni Cebu Archbishop Jose Palma.
“Okay naman. Lahat naman na pinupuntahan kong lugar, nagko-courtesy call ako sa Archbishop. Ano, it was a private visit. Every time naman, even in my past visits in Cebu, nabisita ko na rin siya. Parati naman siyang part of the itinerary whenever I go,” matud pa ni Robredo.
Si Robredo niadto usab sa Pagtambayayong Foundation diin iyang gi turnover ang pinansyal nga tabang sa nagkadaiyang benepisyaryo nga kabahin sa Office of the Vice President’s sustainable livelihood training program.
Si Robredo inubanan ni Pangilinan ug senatoriable Teddy Baguilat, gi blesingan ang pink nga “Leni-Kiko headquarter” nga naa nahimutang sa Sampaguita Suites sa Mango Avenue, Cebu City. Si Senatoriable Chel Dioko naabot og sayo sa headquarter ug nilakaw ra usab sa wala pa niabot ang tulo.
Nakig “Meet and Greet” usab sila sa mga SK official ug Youth Leaders didto sa Basilica Minore del Sto. Niño de Cebu.
Magpabilin pa sila sa Cebu hangtud ugmang adlawa, Nobyembre 13, 2021. (By: April Theres Tan)