Upat ka adlaw human gisirad-an ang Mactan Cebu International Airport, ablihan na kini sugod ugmang adlawa, Disyembre 19, 2021.
Ang MCIA nakaagom og pagkagusbat gumikan sa bagyong Odette nga adunay International Code name nga Rai.
“We are in the process of restoring regular services at the soonest possible time,” matud pa ni MCIA general manager Julius Neri sa iyang opisyal nga mensahe.
Si bagyong Odette naka apektar kini sa mga hotel ug agensiya sa gobyerno sama sa Department of Health, tungod kay walay kuryente ug linya sa kumunikasyon.
Matud pa ni Neri nga gumikan niini adunay paglangay sa pagpagawas sa resulta sa PCR test sa mga pasahero.
Ang pagkanselar sa mga domestic flight nakapugong usab sa mga pasahero nga dili una makalakaw sa ilang hotel o pasilidad sa kwarantina diin naka resulta kini nga wala nay kwarto alang sa buot mag kwarantina.
“In view of the foregoing, international flights in and out of MCIA will be suspended until 0559H local time 21 December 2021,” matud pa ni Neri.
Ang pirmero international flight tugutan nga motugpa sa MCIA inug 6:00 sa buntag sa Disyembre 21, 2021.
Aduna lang 600 ka international nga pasahero ang gitugutan nga moabot sugod Disyembre 21-25, 2021.
Samtang sugod Disyembre 26, 2021 ang international arrival quota ipasaka kini ngadto sa 850 ka nga pasahero matag adlaw.
(By: April Therese Tan)