Share:

Ang main bridge deck sa Cebu-Cordova Link Expressway kunektado na, kini human sa upat ka tuig gikan sa gipahigayon ang groundbreaking sa maong proyekto kaniadtong Marso 2017.

“We are finally at the tailend of the construction of our CCLEX project and I, together with my colleagues, share the incredible pride in this milestone achievement,” matud pa ni Metro Pacific Tollways Corporation (MPTC) President Rodrigo E. Franco sa iyang press statement. 

Ang MPTC ug ang Cebu Cordova Link Expressway Corporation nakahimo og dakong milyahe sa ilang konstruksyon sa dihang nasumpay na ang main bridge deck human gipahigayon ang katapusang pagbubo aron sa pagsira na sa duha ka metros nga kuwang. 

“After today’s main bridge deck connection, we look forward to another milestone and that is opening CCLEX to the public in the first quarter of 2022. We can’t wait to see Cebuanos enjoy the ultimate expressway experience afforded by using this bridge,” matud pa ni Allan G. Alfon, CCLEC president ug general manager atol sa pagpahigayon sa among aktibidad duha ka adlaw na ang nilabay. 

Ang CCLEX usa kini ka 8.5 kilometros nga taytayan nga nagsilbing sumpay sa Mactan Island gikan sa lungsod  Cordova padung sa mainland sa Cebu pinaagi sa Cebu City’s South Road Properties. 

Kung kini mahuman na, ang CCLEX mahimo na unya kining labing taas nga bridge-way structure sa tibuok nasud.

Ang maong taytayan gi disensyo nga 80 kilometros matag oras nga kakusgon ang pag biyahe sa mga sakyanan ug naay navigational clearance o gitas-on nga 51 metros aron makaagi ra sa ilalom sa taytayan ang mga dagkong barko.

Ang P30 bilyones nga CCLEX proyekto kini sa CCLEC inubanan sa lokal nga kagamhan sa Cebu City ug munispyo sa Cordova.

Ang CCLEX wala lang kini giisip nga makapaubos sa trapiko ug mas hamugaway nga pag biyahe apan nakamugma usab kini og mga kalambuan sa patigayon ug mag-abli og daghang opurtunidad sa Cebu ug sa ubang dapit sa Kabisay-an. (By: April Therese Tan)

Leave a Reply