Ang kagamhanan sa Mandaue City nakabakuna na og COVID-19 vaccines ngadto sa 300 ka menor de edad sulod sa duha ka adlaw sukad nagsugod kini og pamakuna sa edad 12 anyos hangtud 17 anyos.
Ang kagamhanan sa siyudad padayon nga nag-awhag sa mga ginikanan nga pabakunahan ang ilang mga anak. Ang siyudad adunay target nga magbakuna og 500 ka mga menor de edad matag adlaw.
Sa pagkakaron aduna nay 40,000 ka menor de edad ang narehistro og gipaabot nga mas modaghan pa kini sa umaabot nga adlaw.
Samtang ang kagamhanan sa Cebu City nagsugod na usab karong adlawa, Nobyembre 8, 2021 sa pagpamakuna sa ilang menor de edad nga gipahigayon sa Southwestern University Phinma.
Kasagaran sa mga bata nga nagpabakuna buot na nilang motambong og face to face nga klase.
Sa nahinumduman, ang kagamhanan sa Lapu-Lapu City maoy labing unang local government unit sa Cebu nga nagbakuna sa ilang menor de edad. Nagsugod ilang pagpamakuna pag Nobyembre, 4, 2021.
(By: April Therese Tan)