Mga kustomer sa Visayan Electric moubos of 0.07 kilowatt per hour (kwh) ang bayranan sa Setyembre-Oktubre nga billiong period.
Matud pa sa VECO sa ilang press statement nga gikan sa P12.02 kwh adtong billing period sa Agosto-Septyembre mahimo na lang kini og P11.95 kwh sa billing period ning bulana hangtud sunod buwan.
Matud pa ni Raul Lucero, ang presidente ug chief operating officer sa VECO nga ang pag-ubos sa generate rates tungod sa kay ni-ubos pud og gamay ang power rates the Wholesale Electricity Spot Market (WESM).
Samtang sa laing bahin, ang VECO nagsugod na og pamutol og linya sa kuryente sa ilang mga kustomer nga adunay duha ka buwan nga wala mabayran ang ilang billing sa kuryente.
Kini human nahimutang naman sa General Community Quarantine (GCQ) ang mga local government units sulod sa ilang franchise area.
Apan bisan pa man, ang VECO nitanyag og payment arrangement sa ilang mga kustomer “of good standing” nga dili pa makabayad sa tanan nga bayranan gumikan sa padayon nga COVID-19 pandemic.
Dungag pa sa VECO nga ang mga kustomers nga mo aplay sa payment arrangements pwede mobisita sa ilang service centers nga naa nahimutang sa One Pavilion Mall sa Banawa, JCentre Mall sa Mandaue City, Piazza Elisea sa Talamban, Glajj Building sa Consolacion ug South Extension Office, Tabunok, Talisay City. (By: April Therese Tan)