Pasirad-an sa kagamhanan sa Mandaue City, Cebu ang tanang sam-ang pangpubliko ug pribado lakip na ang memorial parks ug columbaries nga naa nahimutang sa siyudad sugod Oktubre 29 hangtud Nobyembre 2, 2021.
Si Mandaue City Mayor Jonas Cortes niluwat og Executive Order No. 35-A aron sa pagtuman sa lagda sa national nga Inter-Agency Task Force aron mapugngan ang panagtapok sa kadaghanan o mass gatherings nga posible maka trigger kini sa pagkuyanap na sab unya sa COVID-19.
Sa nahinumduman, ang mayor niluwat og EO No. 35 diin ang maong mga lugar temporaryo nga pasirad-an sugod Oktubre 31 hangtud Nobyembre 2, 2021.
“In order to avoid mass gatherings during Undas and thereby complement the efforts exerted to mitigate the impact of COVID-19, prevent the spread of virus transmission and maximize the gains we have achieve thus far, the City of Mandaue deems it proper to adopt the guidelines set by the national IATF-MEID for Undas 2021 to avoid confusion and ensure uniformity in standards and guidelines across all local government units,” matud pa sa EO.
Aron sa istrikto nga pagpatuman sa mandatory nga public health safety standards ug protocols aron malikayan ang pagkuyanap sa COVID-19, nagkanayon ang mayor nga ang pag obserbar sa adlaw sa mga kalag ug adlaw sa Santos angayan nga i kontrolar.
Ang maong EO i epekto sugod Oktubre 25 ug molanat hangtud Nobyemre 10, 2021. (By: April Therese Tan)