By Jim Lloyd Dongiapon
Gi-anunsyo sa Department of Public Works and Highways (DPWH) nga nakatakdang ablihan ang ₱7.4 biyones nga Panguil Bay Bridge sa unang katunga sa tuig 2024.
Namahayag si DPWH Undersecretary Emil Sadain nga 63 porsyento nang kompleto ang proyekto ug gisugdan na ang pagtukod sa bridge top slab sa duha ka tumoy niini sa Tangub, Misamis Occidental, ug Tubod, Lanao del Norte.
“By working round-the-clock and further improve the formulated measures to catch up the delays brought by previous suspension of activities due to COVID-19 pandemic from March 16 – July 2020, we will be able to finish the project toward the goal of having first traffic cross the bridge by first half of 2024 (Pinaagi sa wa’y undang nga pagtrabaho ug sa pagpaayo sa mga giumol nang lakang aron makaapas sa mga paglangan nga hatod sa mga kanhing pagkasuspinde sa mga aktibidad tungod sa COVID-19 pandemic gikan Marso 16-Hulyo 2020, nakatakda natong matapos ang proyekto ngadto sa katuyoan nga mamahimo nang makatabok ang trapiko sa taytayan sa unang katunga sa 2024)”, segun ni Senior Undersecretary Sadain.
Ang two-way, two-lane nga Panguil Bay Bridge ang makapakibhang sa oras sa biyahe tali Tangub and Tubod ngadto na lamang sa pito ka minuto.
Sa kasamtangan, ang Roll-on, Roll-off (RoRo) vessels nga nagakonekta sa Misamis Occidental ug Lanao del Norte nagabiyahe sa mas taas nga ruta nga anaa sa kapin 100 kilometros ug anaa ang oras sa biyahe ngadto sa kapin usa ug tunga ngadton na sa duha ug tunga ka oras, apil ang pagpasakay ug pagpanaog.
Gilaumang mas paayohon pa sa proyekto, nga gipondohan pinaagi sa loan agreement tali sa Pilipinas ug sa Korean Export-Import Bank (Korea Eximbank), ang kapasidad ug pagka-episyente sa transportasyon samtang nagatampo kini sa sosyo-ekonomikong paglambo sa Mindanao.
Dugang pa, kini kabahin sa plano sa administrasyon ni Presidente Ferdinand “Bongbong” R. Marcos Jr. nga pakusgan ang mga sektor sa turismo, agrikultura, ug industriya, ilabi na sa Mindanao.