Jim Lloyd Dongiapon
–
Gibutyag sa Department of Environment and Natural Resources (DENR) XI nga nasiplatan nila sa talagsaong higayon ang Philippine warty pig, nga naila usab sa scientific name niining Sus philippensis, atol sa ilang Lenten climb sa Mount Apo niadtong Abril 11-17.
Sumala sa ahensya, ang maong pagsiplat ang nagpasabot nga dunay progresibong natural nga kaadilantohan sa kinatumyang dapit sa maong bukid.
Ang maong kalasanong baboy, nga lokal nga nailhan isip “baboy-ramo” or “baboy-inahas,” ang gikonsidera nang mahuyang nga espisye gumikan sa ilang nagkagamay nga populasyon. Kung magpadayon kini, makonsidera na sila isip nameligro na sa dili madugay.
Nagpasidaan ang DENR-XI ngadto sa mga trekker nga mupalayo sa mga ihalas nga mananap ug dili nila kini pakaunon aron nga dili mawala ang natural nga gawi sa pagpangayam sa ilang pagkaon.
Sa pikas bahin, ang nasangpit nga ahensya, kuyog ang Environment and Natural Resources Office sa Davao del Sur, City ENROs sa Digos ug Davao, ug ang Protective Area Management Board (PAMB), mi-establisar og monitoring teams aron segurohon nga napatuman ang mga palisiya sa trekking.
Ang maong mga lakang gilangkuban sa: pagberipika ug pagsusi sa trekking permits; pagsumpo sa pagtuman sa zero-waste policy, ug sa pag-obserba sa pagtamud sa IATF guidelines kalabot sa outdoor recreational activities ug ang mountaineer’s creed nga gibungat sa hiniusang camping ug trekking policies sa PAMB.
Naglahawlahaw ang mga grupo subay sa dalan ingon man mga entrada sa Tamayong, Bansalan, Digos City, ug Sta. Cruz. Gisirado ang Colan-Sta. Cruz trail niadtong pagsaulog sa Semana Santa samtang ang Davao City trail while the Davao City trail ang permanenteng gisirad-an isip pagtuman agig pagtamud sa mga palisiya nga gipatuman sa lokal nga panggamhanan niini.