By Frances Pio
––
Inamin ni outgoing President Rodrigo Duterte ang paghiling na ma-exempt siya sa mandatory Reserved Officers Training Corps (ROTC) noong siya ay nasa college pa.
Ginawa ni Duterte ang pagsisiwalat sa pagkilala sa mga Filipino athletes sa 31st Southeast Asian Games sa Malacañang noong Martes, bago niya hiniling ang mga cameramen na ihinto ang livestream ng event.
“Sa college, ROTC may ginawa ako para ma-exempted ako. Alam mong ginawa ko? Sabi ko, ‘Sir, paano ba tayo? T* i itong ROTC hindi ko matapos-tapos.’ Sabi niya ‘Eh kung may sakit ka, okay ‘yan,’” ika niya.
“Camera, putulin niyo muna. Kasi atin-atin lang ito eh,” sinabi ni Duterte.
Nauna nang itinulak ni Duterte ang muling pagbuhay sa mandatoryong ROTC sa mga paaralan sa buong bansa.
Noong 2019, ginawa niyang certified as urgent ang panukalang batas na magbabalik ng ROTC sa pampubliko at pribadong senior high school.
Gayunpaman, ang panukala ay hindi pumasa sa Kongreso.
Ang kanyang anak na si Vice President-elect Sara Duterte-Carpio, ay nagtutulak din para sa muling pagbuhay ng programa.
Noong Enero ng taong ito, sinabi ni Duterte-Carpio na kung mahalal na bise presidente, isusulong niya ang mandatoryong military service para sa lahat ng Pilipinong umabot sa edad na 18 — lalaki o babae.
Noong 2002, ginawang opsyonal ang pagsasanay sa militar sa pamamagitan ng National Service Training Program (NSTP) Act of 2001 (Republic Act No. 9163), kasunod ng kontrobersya ng pagpatay sa sophomore cadet ng University of Santo Tomas na si Mark Welson Chua noong 2001 matapos niyang ilantad ang katiwalian sa programa ng pagsasanay militar ng kanyang paaralan.