By: April Therese Tan
President Rodrigo Duterte nibisita sa Cebu kagabii, Disyembre 24, 2021 inubanan ni Senador Bong Go ug ubang opisyales sa kabinite.
Sa iyang pag abot sa Mactan Airbase, si Duterte nakigpulong sa mga opisyales sa Cebu nga gipanguluhan ni Gobernador Gwendolyn Garcia diin iyang gipamahayag nga ang rason nga nianhi siya aron sa pagpahibalo sa katawhang Sugbuanon nga ang gobyerno gamiton ang tanang kahimanan aron sa pagtubag sa kagusbat sa maong dapit tungod sa bagyong Odette.
Ang pagbisita ni Duterte kagabie maoy iyang ikaduha karong semanaha human nagbilin og dakong kadaot sa Cebu ang maong bagyo. Si Duterte didto pirmero sa lungsod sa Argao.
Sa In Cebu City, nanguna si Duterte sa pag apod-apod sa food packs ug ceremonial turnover sa pinansyal nga hinabang sa mga nabiktima sa bagyo didto sa Labangon Elementary School gymnasium.
“Para siguraduhin ang maayos na koordinasyon ng relief at rebuilding efforts, personal po nating tinututukan nitong mga nakaraang araw ang mga pinsalang naidulot ng Bagyong Odette. Sa mga pagbisitang ito, nakipagpulong din si Pangulong Duterte sa mga lokal na opisyal upang direktang marinig mula sa kanila ang kanilang mga pangangailangan at agarang matugunan ang mga ito,” matud pa ni Go sa Facebook post sa Office pf the Presidential Assistant for the Visayas.
Si Duterte ug Go nipasalig sa lokal nga kuminidad nga ang tibuok gobyerno gipalihok ang tanang kahimanan aron sa pagtabang sa mga biktima aron dali kini makarekober sa trahedya.
Gideklarar na ni Dutete ubos sa State of Calamity ang Rehiyon VI (Western Visayas), VII (Central Visayas), VIII (Eastern Visayas), X, (Northern Mindanao) ug XIII (Caraga) aron madali ang pagluwas, pag rekover ug rehabilitasyon nga mga tinguha.
Ang maong deklarasyon magpabilin sulod sa usa ka tuig hangtud kini mausab.