Niasumir na si Acting Cebu City Mayor Michael Rama isip bag-ong mayor kagahinang buntag sa usa ka oathtaking ceremony human sa kamatayon ni kanhi Mayor Edgardo Labella kagahapong adlawa.
Ang pirmirong konsehal Donaldo “Dondon” Hontiveros nanumpa usa ug niasumir na usab isip bag-ong vice mayor sa siyudad.
Ang 70 anyos nga si Labella nitaliwan na tungod sa “septic shock secondary to pneumonia”.
Matud pa ni Rama nga siya ug si Hontiveros kinahanglan nga moasumir dayon sa ilang posisyon aron sa paglikay sa gitawag og “hiatus”.
Si Rama nag sabbatical leave na unta og 15 ka adlaw nga mapupos inug Nobyemre 29, 2021 apan iyaha kining giputol gumikan sa kamatayon ni Labella aron sa pag asumir na niya isip mayor.
(By: April Therese Tan)