By: Jen Lopez
Ang dating driver at bodyguard ng detained Senator Leila de Lima na si Ronnie Dayan ay nanindigan na hindi umano kasangkot si de Lime sa isang drug trade sa New Bilibid Prison.
Aniya ang sinabi niya noon na nagpadala siya ng illegal drug money kay de Lima ay dahil sa pinilit siyang sabihin ito ng walang benefit of counsel.
“Dayan confirmed his judicial affidavit which provides, in capsule, that… no delivery of drug money was done to Sen. Leila,” ayon sa legal counsel ni de Lima na si Atty. Rolly Francis Peoro.
“Dayan’s testimony in Congress in 2016 was not true, due to force, and done without the assistance of a counsel of his own choice, and Dayan had no transactions with any of the Bilibid inmates,” dagdag pa niya.
Ani Peoro, pinangalanan ni Dayan si late Congressman Rey Umali bilang isa sa mga pumilit sa kanya na panindigan ang pag-amin ng drug lord na si Kerwin Espinosa.
Nang tanungin kung paano isinagawa ang planong pagpipilit kay Dayan sa kabila nang pagpanaw ni Umali noong Enero 2021, ani Peoro wala silang mailalabas na sagot ukol dito.
“But this is all consistent with the testimony of Kerwin Espinosa, Rafael Ragos and now Ronnie Dayan na different members of the government are doing their part to coerce the witnesses against Senator Leila de Lima,” ani Peoro sa ibanh interview.