Sirado ug suspendido ang opisina sa Land Transportation Office ug Department of Labor and Employment sa Central Visayas karong adlawa gumikan sa bagyong Odette.
Matud pa ni LTO-7 regional director Victor Caindec sa iyang giluwatan nga Office Order No. VCC-2021-1069 ngadto sa tanang opisyales ug empleyado nga temporaryong pag suspenso sa trabaho sa ilang buhatan sa probinsiya sa Cebu ug component cities, Bohol, Negros Oriental ug Siquijor nga ubos sa storm signal number 2 ug 3.
Samtang ang DOLE-7 niluwat usab og advisory karong adlawa aron sa pagpahibalo sa katawhan nga walay opisina ang ilang rehiyunal nga buhatan lakip na ang ilang divisions, units ug field offices nga naa nahimutang sa Cebu City.
(By: April Therese Tan)