By: April Therese Tan
––
Ang Liberation Park sa siyudad sa Talisay, Cebu nga anaa na sa pirmerong hugna gisug-an na isip kabahin sa pag selebrar sa “77th Takas sa Talisay Kagawasan sa Sugbo,” o ang “77th anniversary of the landing of American forces in Talisay to liberate Cebu from the Japanese in World War II”.
Ang seremonya sa pagsuga sa maong parke gipanguluhan ni Cebu Governor Gwendolyn Garcia inubanan ni Talisay City Mayor Gerard Anthony “Samsam” Gullas, Tingog Partylist Representative Yedda Marie Romualdez, Provincial Board Member Raul Bacaltos, ug Talisay City First Lady Rhea Gullas.
Ang parke nahimutang kini dapit sa landing site duol sa karaan nga city hall sa Barangay Poblacion, nga gidisenyo sa world-class designer nga si Vito Selma, nga taga Talisay usab.
Matud pa sa Sugbo News sa ilang Facebook post nga ang maong parke kabahin kini sa padayon nga proyekto sa turismo nga kumpleto kini sa lugar nga kadulaan sa kabataan, basketball courts, boardwalk, retail areas, function rooms ug uban pa.
Gipahalipayan sa gubernadora si Mayor Gullas ug ang kagamhanan sa siyudad ug nisaad kini nga motabang sa paghuman sa ikaduha ug ikatulong hugna sa maong proyekto.
“This park celebrated Talisay’s history as well as its culture and tradition. It gives this park this soul that every park or infrastructure should have,” matud pa ni Garcia.
Dugang pa sa gubernadora nga ang landing sa Talisay angay nga hinunduman kini ug i selebrar dili lang sa iyang makasaysayanong importansya apan sa paghatag og pasidungog sa mga katawhan nga nisupak sa pag okupar sa mga Hapon sa siyudad.
Ang mayor sa iyang bahin nagpasalamat sa gubernadora sa pagsuporta alang sa katumanan sa maong proyekto.
Ang seremonya natapos sa usa sa dakong firework display.-(April Therese Tan)