By: April Therese Tan
Ang Visayan Electric, diin ang ilang franchise area sa Cebu gigusbat og maayo ni Baygong Odette, nilusad na karon og imbistigasyon human nakadawat sila og balita nga adunay mga indibidwal o kontraktor nga illegal nga nangulekta og bayad sa ilang mga kustomers aron mauna kini nga matauran og linya sa kuryente sa ilang panimalay o establisimento.
Sa ilang opisyal nga press statement, ang ikaduhang labing dakong power distributor sa nasud nagkanayon nga sersoyo nilang gitan-aw ang maong balita ug naghimo na sila og imbestigasyon kabahin sa maong isyu.
Subay niini, ang VECO naghangyo sa publiko sa ilang kooperasyon pinaagi sa dili pagtagad o pag apil sa maong ilegal nga binuhatan.
“We highly urge everyone to report these incidents through our Visayan Electric hotline number 230-8326 or send us a direct message on our Facebook page. Rest assured that people who will be proven to have done such illegal actions will be penalized accordingly,” matud pa sa VECO.
Nagkanayon ang VECO nga ang ilang accredited contractors ug industry partners nagtrabaho sulod sa ilang franchise area wala kini nagkinahanglan o modawat og bisan unsa nga re-electrification o prioritization fees.
“Restoration of electricity is free of charge. Our teams on the ground are working 24 hours a day to fast-track our power restoration efforts in Cebu,” matud pa sa VECO.
Nagpasidaan usab ang VECO nga dili sila manghilabot kung aduna man gani danyos or mawala tungod sa mga kuneksiyon nga dili otorosido nga re-energization arrangement nga gisudlan sa ilang mga kustomer.
“Visayan Electric does not warrant the quality of the wirings, equipment, or materials used in these unauthorized electricity connections,” dugang pa sa VECO.-(April Therese Tan)