Si Lapu-Lapu City, Cebu Mayor Junard Chan buot ipa implementar sugod karong Nobyemre 25, 2021 nga dili pwede makasulod ang mallgoers sa mga mall nga naa nahimutang sa siyudad kung wala kini ipakita nga vaccination cards.
Apan ang mga wala pay bakuna pwede ra gihapon makasulod sa mall apan gikinahanglan kini magpa rapid antigen test, nga libre nga idalit sa kagamhanan sa siyudad.
Dugang pa ni Chan nga wala siya namugos sa katawhan nga magpabakuna na apan buot lang pud niya nga kaning wala pa nagpabakuna mopaubos sa rapid antigen tests nga libre aron pud kini makasulod ra sa mga commercial establishments.
“Mao na ang paagi sa pagpangga nako sa mga Oponganon, Oponganon ako pinangga ko,” dugang pa ni Chan.
Ang mayor nagmugna usab og “City composite team” alang sa pagpahigayon og sorpresang pagpahigayon og random antigen tests sa mga empleyado nga wala pay bakuna nga naa nagtrabahp sa nagkadaiyang commercial, industrial outlets, hotels ug resorts.
“Ang ako lang every time that they will go to the malls or commercial establishments naay antigen test nga ipahigayon ang gobyerno, one way of giving our love to the Oponganons,” matud pa sa mayor. (By: April Therese Tan )