Ang Cebu nakaturok og 27,815 ka dosis nga COVID-19 vaccines atol sa pirmerong adlaw sa tulo ka adlaw nga “Bayanihan Bakunahan” nga nagsugod karong adlawa, Nobyembre 29, 2021.
Matud pa ni Dr. Mary Jean Loreche, ang Department of Health-7 chief pathologist ug tigpamaba sa Visayas Vaccination Operations Center nga maayo kaayo ang resulta sa pirmirong adlaw sa pagpamakuna.
“The response of the community as evidenced by the huge number of turn out in the vaccination sites and the preparations of the LGU is good. There are minor challenges that needs to be addressed though,” matud pa ni Loreche sa iyang mensahe.
Ang kaning mga kakulian nga ilang nasugutan mao ang hinay nga koneksyon sa intenet nga maoy makalangay sa encoding ug uploading, daghan kaayo og mga tawo sa vaccination sites nga posibleng mahimong super spreader ang maong aktibidadis ug ang pagpalambo sa bentilasyon ug presoso aron malikayan ang adverse events.
Gawas pa niini nakita usab nga naa lang gihapon mga katawhan nga mamili og klasi sa bakuna diin ang uban gani manguli na lang kung ang ilang brand sa vaccine dili kini available.
“There are people still who left the sites when they learned that their brand is not available,” matud pa ni Loreche.
Apan sa kinatibuk-an matud pa ni Loreche nga “we are very proud of our LGUs and the Sugbuanons for rising to the call of getting vaccinated”.#