By: April Therese Tan
–
Gibana-bana nga adunay 300,000 ka mga Cebuanos nidugok sa BBM-Sara grand rally nga gipahigayon didto sa Citi di Mare, South Road Properties sa Cebu City.
“Eto na ang pinakamalaking rally sa aming buong kampanya,” matud pa ni Ferdinand “Bongbong” Marcos, Jr. nagdto sa “sea of red” nga nanambong nga nagsigi og shagit og Marcos-Duterte!.
Ang runningmate ni Marcos nga si Davao City Mayor Sara Duterte nagkanayon nga “Cebu has spoken” samtang ang mga suporters nag syagit usab og “daug na!, daug na!, daug nal!”.
Si Cebu Governor Gwendolyn Garcia, ang founder sa One Cebu, nga endorsar sa kandidatura nila Marcos ug Duterte, nagkanayon atol sa rally nga sigurado na ang kadaugan ni Marcos isip bag-ong presidente ug si Duterte isip bise presidente sa Pilipinas.
Si Marcos ug Duterte nisaad ngadto sa katawhan nga ilang ipadayon ang Build Build Build nga programa nga nasugdan na ni Presidente Rodrigo Duterte.
Nisaad usab sila nga ilang buhayon ang paghatag og mas maayo og de kalidad nga edukasyon, paghimo og mas daghang trabaho ug gamugaway nga kuminidad.
Ang maong panagtigom gitambungan sa mga kandidato ug incumben nga mga opisyales sa Cebu Province ingon man sa siyudad sa Mandaue, Cebu ug Lapu-Lapu.
Ang rally nagsugod ala una sa hapon ug natapos hapit na alas nuybe sa gabie inubanan sa sobra 30 minutos nga grand display sa fireworks.-(April Therese Tan)