By: Frances Pio
May kabuuang 6,595 healthcare workers sa Metro Manila ang nasa ilalim ng quarantine dahil sa COVID-19, sinabi ng opisyal ng Department of Health (DOH) nitong Martes.
Ito ay binubuo ng 7.2% ng 91,838 health workers sa Metro Manila, sinabi ni Health Undersecretary Leopoldo Vega.
Sa dami ng mga frontliner na nasa ilalim ng quarantine, napipilitan ang mga ospital na isara ang iba pang serbisyo upang muling i-deploy ang kanilang mga tauhan upang matugunan ang mga pangangailangan ng COVID-19.
“Nakikita natin na nagko-close ‘yung some services like elective surgeries and the rest like diagnostics para lang maka-cover ngayon sa mga healthcare workers na naka-isolate at naka-quarantine,” ayon kay Vega.