By: Frances Pio
Sa kabila ng mabilis na pagtaas ng mga kaso ng COVID-19 sa Cebu, umaasa ang mga opisyal ng kalusugan na mananatili ang Cebu sa ilalim ng mas maluwag na Alert Level 2.
Ang bilang ng mga aktibong kaso ng COVID sa buong Cebu ay lumampas sa 1,000 mark noong Enero 10, 2022, batay sa pinakabagong bulletin mula sa Department of Health sa Central Visayas (DOH-7).
Ito ay matapos makapagtala ang buong isla ng lalawigan ng kabuuang 187 na bagong nahawaang pasyente sa araw na iyon. Sa bilang na ito, 126 ang nagmula sa kabisera ng Cebu City.
Ang Cebu City ay may 605 active infections habang ang Cebu province ay may 333. Para sa Mandaue City at Lapu-Lapu City, mayroon silang 98 at 96 active COVID-19 patients ayon sa pagkakabanggit.