By Jim Lloyd Dongiapon
––
Nanawagan karon ang usa ka alyansa sa mga cause-oriented nga grupo nga i-oktaba og duha ka bulan, o ngadto sa Nobyembre karong tuiga, ang Maguindanao division plebiscite, nga gitakda sa mosunod nga Sabado, Setyembre 17.
Nagpagula og pamahayag kaganihang hapon, Setyembre 9, ang Interfaith Movement for Peaceful and Clean Elections (IM4Peace), nga nagapanawagan sa Kongreso, Commission on Elections (COMELEC), ug sa Office of the President nga i-oktaba ang plebisito “aron nga mahatagan og igo nga oras ug kahinguhaan alang sa dako ug saktong pagpaambit kalabot sa plebisito ug sa nahisulat sa (Republic Act No.) 11550.”
Nagtuo ang alyansa kaniadto nga ang inisyal nga pag-oktaba sa plebisito alang sa RA 1155440, ang balaod nga nagmugna sa mga lalawigan sa mMaguindanao del Norte ug Maguindanao del Sur, ngadto sa Setyembre 17, subay sa COMELEC Resolution No. 10797, mihatag unta og igong oras ngadto sa COMELEC aron mag-andam ug ang katawhan nga “makahibalo og maayo aron nga makaabot sa patas nga desisyon.”
Apan, namatikdan nila nga ang mga tarpaulin nga nagakampanya alang sa boto nga “Yes,” ang mikatag sa Maguindanao dihang gi-anunsyo ang petsa sa plebisito, apan wala man lang information o education drives alang sa RA 11550 ug sa pagpahigayon sa plebisito.
Segun nila, nahimong balido ang ilang mga obserbasyon sa dihang ang mga representante sa indigenous peoples’ organizations ug religious formations, uban ang mga representante gikan sa mga sektor sa kababayen-an, kabatan-onan, kabus sa siyudad, ug mga mag-uuma sa mga tri-people nga komunidad, from the sectors of women, youth, urban poor, and farmers of tri-people communities, miasoy nga wala sila nasayod sa umaabot nga plebisito hangtod sa mitambong sila sa gipahigayong konsultasyon sa Cotabato City niadtong Setyembre 6 ug 7.
Sila midugang sa pamahayag nga sila “masaligon nga husto ug impormado ang mga desisyong pagabuhaton gikan sa plebisito” kung matuman ang ilang panawagan sa pagsibog niini sulod sa duha ka bulan.
Nanawagan usab sila sa uban pang mga civil society group ug human rights advocates nga moduyog kanila sa pagpuno sa kakulangon sa impormasyon ug sa pagduso sa demokratikong partisipasyon sa katawhan sa nasangpit nga politikal nga proseso ug sa uban pa gawas niini.
Sa kasamtangan, wala pa’y tubag ang COMELEC sa mga panawagan nga gibuhat sa IM4Peace.