Gisuspenso og 15 ka adlaw ni Consolacion town, Cebu Mayor Joannes “Joyjoy” Pepito Alegado ang babayeng female traffic enforcer diin nagviral ang video niini sa iyang paghapak sa usa ka food delivery drayber.
Matud pa sa mayor nga iyang gipahamtangan og 15 ka adlaw nga pagka suspenso sugod Agosto 19 si Maricris Vallejos, ang traffic enforcer nga sakop sa Consolacion Traffic Enforcement and Special Service, isip disciplinary action sa iyang nabuhat.
Matud pa sa mayor nga human sa gipahigayon nga imbestigasyon, nakita nga sad-an usab ang maong traffic endorcer kay wala kini gipatuman ang “maximum tolerance”.
Gawas sa suspensiyon, ang 40 anyos nga si Vallejos gipahamtangan usab og P1,000 nga multa gumikan sa wala pagsul-ob og facemask, samtang nakiglalis kini sa 23 anyos nga drayber nga si Marcelino Sabucido kaniadtong Agosto 17.
Si Sabucido gi detinir gumikan sa sala nga “disobedience of a person in authority” didto at Consolacion Municipal Police Station. Apan nakagawas na hinoon siya human nipyansa kini pag Agosto 19.