By Christian Dee
MAYNILA – Isang bagong witness at iba pang mga ebidensya ang nais ipresenta ng Department of Justice (DOJ) laban kay dating Senador Leila De Lima.
Dahilan ng DOJ kaya naghain ang ahensya ng mosyon upang muling buksan ang isa sa dalawang natitirang kaso kaugnay ang ilegal na droga.
Sa inihaing hakbang ng panel of prosecutors para muling buksan Criminal Case No. 17-165, hiling nito na muling buksan ang paglilitis para maipresenta ang “rebuttal evidence” at si Atty. Demiteer Huerta ng Public Attorney’s Office (PAO) bilang rebuttal witness.
“The Prosecution moves for the reconsideration of the order given in open court today, and for the re-opening of the trial to allow the presentation of prosecution’s rebuttal evidence,” saad sa mosyon.
Nagulat naman ang kampo ni De Lima sa biglaang buwelta sa pag-uusig dahil ani Atty. Filibon Tacardon, abogado ng dating senador, sumang-ayon na ang dalawang panig na isumite ang kaso para sa desisyon ng korte.
“We don’t know what happened with the prosecution. They made the sudden turnaround and are now claiming that they want to submit rebuttal evidence,” ani Tacardon sa Inquirer nitong Martes.
“They should have done this yesterday,” dagdag pa niya.
Ayon sa abogado ni De Lima, maghahain ang kampo ng dating senador ng pagsasalungat sa mosyon upang muling buksan ang paglilitis.
“We will file an opposition to the motion to reopen and we will ask the court to uphold a valid gentleman’s agreement reached in open court,” ani Tacardon sa mensahe sa GMA News Online.