Ang Cebu City, nga gi-isip nga maoy sentro sa COVID-19 sa tibuok Pilipinas adtong usang tuig, nidaug na kini batok sa ikatulong pagdagsang o third surge sa COVID-19.
Matud pa ni Cebu City Emergency Operation Center chief implementer Joel Garganera nga sukad nagsugod ang third surge sa COVID-19 pag Hunyo 2, 2021, ang siyudad adunay 4,000 ka aktibong kaso sulod sa napulo ka adlow, nga maoy labing taas sukad nagsugod ang pandemya.
Nagkanayon si Garganera nga grabe ang pagsaka sa kaso sa COVID-19 sa siyudad ug mura dili na gyud mahunong.
Dugang pa ni Garganera nga adto panahuna, ang mga hospital napuno sa mga pasyente, ang mga Barangay Isolation Center ug Temporary Treatment at Monitoring Facilities nag awas-awas sa mga pasyente. Daghang mga tawo nangamatay sa dalan ug sulod sa ilang pinuy-anan. Ang mga medical frontliners hapit na mosurender gumikan sa kapait sa sitwasyon.
“Looking back, it was a nightmare. But today, after three months of war against this faceless, unseeable monster, we have recorded the lowest daily positivity rate since the 3rd surge. Moreover, our active case is even lower than the active cases recorded last July 2, 2021. Numbers in our monitoring sheet are all in a declining trend,” matud pa ni Garganera.
Apan bisan pa man padayon ang pagkunhod sa kaso sa COVID-19 sa Cebu City, matud pa ni Garganera magpabilin pa gihapon ang atong pakigbisog batok sa COVID-19.
“Lets continue our goal to eradicate COVID in Cebu City,” dugang pa ni Garganera.(By: April Therese Tan)