Napulo ka barangay sa Lapu-Lapu City ang naigo sa Delta variant, matud pa ni Mayor Junard “Ahong” Chan.
Matud pa ni Chan ang napulo ka barangay mao ang Looc, Basak, Babag, Pusok, Pajo, Marigondon, Agus, Bankal, Maribago ug Mactan.
Gipasalig hinoon sa mayor nga kadtong uban nga natakdan sa Delta variant naka rekober na sa maong sakit.
Samtang ang uban nga natakdan sa Delta variant nagpabilin sa mga isolation centers o hospitals sa siyudad.
Sa nahinumduman, sa 32 ka kaso nga Delta variant nga nakita sa Cebu adtong usang semana, 19 niini naa sa maong siyudad.