Share:

Padayon nga moduso ang Department of Transportation aron sa paghuman sa tulo ka tugpahanan sa Cebu.

Ang tulo mao ang Bantayan Airport sa Bantayan Island, Camotes Airport sa San Francisco, Camotes Island ug Medellin Airport sa lungsod sa Medellin.

Matud pa ni DOTr secretary Arthur Tugade sa iyang pagbisita sa Cebu nga ang opisina ni Presidente Rodrigo Roa Duterte nikomitir na sa paghatag og P150 milyones aron mapadali ang paghuman sa Bantayan Airport diin gitinguha nga magsugod na sa iyang operasyon inug Abril sunod tuig.

Gawas sa Bantayan Airport, nipasalig usab si Tugade nga tutukan sa DOTr ang pagsugod sa pagtukod ug sa paghuman sa
Camotes Airport ug Medellin Airport.

“Tututukan ko ang pag-umpisa ng airport sa Camotes Island at Medellin. Tatapusin ko ‘yan. Makikipagtulungan ako upang mabigyang buhay ang pag-uumpisa at pagtatapos ng mga airport na ito,” matud pa ni Tugade.

Si Mactan Cebu International Airport General Manager Julius Neri, Jr., nagkanayon nga gawas sa MCIA, ang Bantayan ug Camotes nga tugpahanan gitunguha nga makapalambo pa kini sa turismo sa Cebu.

Dugang pa ni Neri nga ang Medellin Airport magsilbi kining
export processing zone sa probinsiya sa Cebu.

Matud pa ni Tugade nga ang mga initiatibo sa DOTR’s sa natad sa aviation sector sa Cebu Province lakip na sa MCIA makamugna kini plataporma alang sa pagpalambo sa turismo sa probinsiya ug kalambuan sa ekonomiya.

Nagkanayon si Tugade nga ang mga kalambuan nga gipahigayon sa MCIA ug mga kalambuan sa konstruksyon sa tulo ka tugpahanan makapahimo kini sa probinsiya isip “good place for business.”

Dugang pa ni Tugade nga ang partial nga operasyon sa ikaduhang runway sa MCIA gibana-bana nga magsugod inug Abril 2022 aron mas daghan na unyang mga eroplano ang ma accomodate.

Asoy pa ni Tugade nga ang MCIA nagtinguha sa pagpataas sa numero sa ilang passenger cap gikan sa 1,000 ka pasahero ngadto sa 2,000 ka pasahero aron sa pag accommodate sa mga mubiyahe, returning Overseas Filipino Workers ug Filipino seafarers labi na nga hinangat na ang Christmas season. (By: April Therese Tan)

Leave a Reply