By Christian Dee
Usa ka election officer ang gipusil pasado udto karong adlawa, Nobyembre 4, sa mga suspek nga riding-in-tandem sa may Governor Gutierrez Avenue, Barangay Rosary Heights 9, Cotabato City.
Gikumpirma ni Atty. Udtog Tago, Election Supervisor of Maguindanao, nga ang biktima mao si Raufden Mangelen, Municipal Election Officer sa Datu Odin Sinsuat, Maguindanao del Norte.
Subway sa inisyal nga impormasyon nga nadawat ni Atty. Tago ug sa City Public Safety Officers, bag-o ra nahuman sila Mangelen ug iyang pag-umangkong lalaki sa ilang Friday prayer (Jumu’ah) ug pauliay na unta sa dihang kalit nga miduol ang mga mamumusil sa gray nga Montero Sport nga sakyanan sa biktima ug gipusil sila sa makaduhang higayon.
Nakahiagom og samad-pinusilan ang biktima duol sa iyang wala nga bukton duol sa siko, ug dali siyang gidala sa duol nga balay tambalanan aron matambalan.
Pasado ala 1:00 karong hapon, gikumpirma sa kabanay sa nasamdang election official nga anaa na siya sa maayong kondisyon human sa insidente.
Samtang, nakighinabi sab si Atty. Tago kang Mangelen karong hapona. Gibutyag niya nga ang biktima wala makatino og bisan unsa mang motibo nga nagpaluyo sa pagsulay sa pagbudhi kaniya karong adlawa.
Gipaambit usab sa election supervisor nga nakauban niya ang biktima kagahapon, Nobyembre 3, sa Barangay Kusiong sa Datu Odin Sinsuat aron magtunol og hinabang sa mga biktima nga naapektuhan sa Severe Tropical Storm Paeng, ug wala kini mihisgot og bisan unsa mang pagpanghulga sa iyang kinabuhi.
Sa laing bahin, nakuha sa Cotabato City Police Office (CCPO) gikan sa gipanghitaboan sa krimen ang duha (2) ka basyo sa bala sa usa ka .45 millimeter nga pistola.
Ginaimbestigahan na karon sa CCPO ang insidente aron matino ang mga sad-an ug ang mga posibleng motibo sa pagpaluyo sa maong krimen.