Adunay dugang nga upat ka kaso sa Delta variant ang nakita sa Lapu-Lapu City, Cebu, matud pa ni Department of Health-7 regional director Jaime Bernadas.
Ang maong siyudad adunay nay 23 ka Delta variant human kinitaan nga adunay 19 ka Delta variant kaniadtong Hulyo 29, 2021.
Ang bag-o lang nga kaso sa Delta variant apil pa gihapon kini sa samples or swab nga gikuha pag Hulyo 4-10 ning tuiga.
Matud pa ni DOH-7 chief pathologist Mary Jean Loreche nga duha ka 10 anyos, 27 anyos ug 60 anyos ang pangidaron sa mga bag-ong natakdan sa Delta variant. Apan kani sila naaayo na sa maong sakit.
Dugang pa ni Loreche nga dili real time ang mga resulta nga ipagawas sa Philippine Genomic Center ug sa panahon nga ipagawas na ang maong resulta, humana ang contact tracing ug ang isolation.