By Frances Pio
––
Nagsimula nang i-anonymize ng mobile wallet provider na GCash (G-Xchange Inc.) ang mga username ng account kapag nagsasagawa ng mga transaksyon sa gitna ng mga isyu na kadikit nito sa data privacy at spam text messages.
Sinabi ng Gcash nitong Huwebes na naglunsad ito ng feature update na hindi nagpapakilala sa mga pangalan ng mga user sa ilalim ng serbisyo nito sa pagpapadala ng pera, sa isang hangarin na magdagdag ng proteksyon para sa mga customer.
Bago ang pagbabago na ito, ipinakikita ang kumpletong mga username, na sinabi ng kumpanya na isang karagdagang seguridad at nakatulong sa pag-verify kung tama ang account ng tatanggap.
“We need to strike a balance between customer experience and strengthening measures to keep user information safe from unscrupulous individuals,” sinabi ni GCash Chief Information Security Officer Mark Frogoso.
“The feature that shows the full names of recipients was intended to help users verify if they are sending to the right person and avoid being scammed,” dagdag pa niya.
Ang GCash, na kasalukuyang mayroong mahigit 66 milyong rehistradong user, ay isang wholly-owned subsidiary ng Mynt (Globe Fintech Innovations Inc.), isang partnership sa pagitan ng Globe Telecom Inc., ang Ayala Corp., at Ant Financial.
Sinabi ng kumpanya na na-block nito ang 1.37 milyong fake na account mula Enero hanggang Hulyo ngayong taon, bukod pa sa mga na-block ng mga security system nito.
Sinabi rin nito na nakita at tinanggal nito ang ilang site na nagpapanggap bilang kumpanya, kabilang ang 900 phishing site at 400,000 social media account.
Ang mga personalized na text message ng scam ay laganap sa bansa, kung saan nahihirapan ang National Privacy Commission (NPC) sa pagtukoy sa pinagmulan ng impormasyon.
Sinabi ng ahensya na nakipag-ugnayan na ito sa GCash at instant messaging application na Viber para ma-trace kung may mga pangyayari ng hindi pangkaraniwang aktibidad na maaaring nagresulta sa pangongolekta ng data.
“We have been working closely with the National Privacy Commission on the issue of text scams with names,” sinabi ni Frogoso.
“We wish to assure our customers that our systems and infrastructure remain secure and there is no incidence of any data leak or breach,” dagdag pa niya.