Ang Cebu City Emergency Operations Center nag istudyo na sa pag-abli sa mga sinehan ug mga lugar nga makalingaw.
Kini matud pa ni Cebu City EOC chief implementer ug City Councilor Joel Garganera apan mahitabo lang kung padayon ang pag-ubos sa kaso sa COVID-19 sa maong siyudad sa hinapos ning tuiga.
“This is part of our effort to revive the economy and movie industry while also studying its conduciveness especially on whether the public can self-regulate themselves with minimal governmental supervision,” matud pa ni Garganera.
Nagkanayon usab ang konsehal nga karong buntag, Oktubre 18, 2021, ang EOC inubanan sa mga pipila ka nga doktor niapil sa lecture sa “Air Quality” nga gipahigayon ni Dr. Bryan Lim.
Matud pa ni Garganera nga makatabang ang maong lecture alang sa implementasyon sa protocols sa nagkadaiyang establisimento labi na sa mga siradong lugar ug mga gagmay nga bentilasyon.
Dugang pa ni Garganera nga karong semanaha adunay ipahigayon nga panagtigom ang nagkadaiyang sektor aron sa pagsabwag og impormasyon sa bag-o nga protocols lakip na ang paggamit sa Non-dispersive Infrared Sensors (NDIRs) alang sa pagsukod sa lebel sa CO2 sa mga establisimento. (By: April Therese Tan)