By April Therese Tan
Ang Land Transportation Office-7 nagkanayon nga ilaha karon gimonitor ang duha ka private driving schools human sila nakadawat og tawo nga nagtanyag kini og “no appearance” sa ilang Theoretical and Practical Driving Course Certificates.
Matud pa ni LTO-7 regional director Victor Emmanuel Caindec ilaha na kini gi imbistigar kung unsa kini ka tinuod kay matud pa niya usa kini ka iligal nga binuhatan.
“We are conducting an investigation tungod aning mga pasangil nga kaning mga driving school uban, mohatag ra kuno og certificate mobayad ra ka, which is illegal,” matud pa ni Caendic sa giluwatan nga press statement.
Matud pa ni Caindec nga importante usab nga moluwat og affidavit ang mga complainant aron sa pag formalized sa maong taho.
“Ang among gipasalig is amo ning gitan-aw tanan in fact halos every week naa me gina-endorse sa NBI kanang mga naa sa Facebook Marketplace,” matud pa ni Caindec.
“All driving schools are being monitored and they have what they called as index ratio, this is to check their capacity versus in their actual outputs, but with the index capacity measure it tells us whether there seems to be something off in some data but what we are looking for also is if there is a complaint,” matud pa ni Caindec.
“If naay nireklamo masubay namo. Gi-launch ang new investigation. No appearance kuno ang nahitabo ato, pero among gipa-produce ang driving school sa finger print ug sa photos, naa but di me sure nga the same bato nga tawo,” dugang pa ni Caindec.
Sa pagkakaron, adunay sobra 80 ka private driving schools nga accredited sa Central Visayas.