By: Frances Pio
Acting presidential spokesperson at Cabinet Secretary Karlo Nograles inihayag na ang Inter-Agency Task Force nitong Miyerkules, Enero 12, 2022, ay isinailalim ang 28 na mga probinsya at lungsod sa Alert Level 3.
Ang mga lalawigan sa Luzon na sasailalim ng Alert Level 3 ay: Benguet, Kalinga at Abra sa Cordillera Administrative Region; La Union, Ilocos Norte at Pangasinan sa Rehiyon 1; Nueva Vizcaya, Isabela at Quirino sa Rehiyon 2; Nueva Ecija at Tarlac sa Region 3; Quezon Province sa Rehiyon 4-A; Occidental Mindoro at Oriental Mindoro sa Rehiyon 4-B; at Camarines Sur at Albay sa Rehiyon 5 sa Luzon.
Sa Visayas sasailalim sa Alert Level 3 ay ang: Bacolod City, Aklan, Capiz at Antique sa Region 6; Cebu City at Mandaue City sa Rehiyon 7; at Tacloban City sa Region 8.
Sa Mindanao, nasa Alert Level 3 din ang mga sumusunod: Cagayan de Oro City sa Region 10; Davao City sa Rehiyon 11; Butuan City at Agusan del Sur sa CARAGA; at Cotabato City sa BARMM.
Ang lahat ng ibang probinsya at lungsod na hindi nabanggit ay mananatili sa ilalim ng kanilang kasalukuyang alert level classification. Epektibo sa Biyernes, Enero 14, 2022 hanggang Enero 31, 2022 ang pagpapatupad sa mga lugar na nabanggit.