By Christian Dee
MAYNILA — Nitong Miyerkoles, naglabas na ng mga panuntunan ang Korte Suprema para sa oral arguments sa petisyon laban sa pagpapaliban ng barangay elections ngayong 2022.
Matatandaang hinamon ng isang abogado na si Romulo Macalintal noong lunes ang Kongreso na pahabain ang termino ng mga opisyal ng barangay.
Aniya, ang Commission on Elections (Comelec) lamang ang may kapangyarihang magdeklara kung mayroong “serious causes” gaya ng terorismo, karahasan, pagkawala o pagkasira ng mga kagamitan sa eleksyon o mga tala, force majeure o iba pang mga sitwasyong makakapagpatunay na imposibleng mangyari ang eleksyon, para ipagpaliban ito.
Giit ni Macalintal na ang batas ay lumalabag sa karapatan ng mga botante sa “due process” dahil ipinipilit nitong tanggapin ang mga hinirang na namumuno sa barangay sa ayaw at sa gusto ng mga nasasakupan nang walang pabatid at pagdinig.
.
Ayon sa abiso ng Korte Suprema, limitado ang talakayan ni Atty. Macalintal laban sa Comelec at Tanggapan ng Pangulo sa mga sumusunod:
- Whether Congress has the power to postpone or cancel the schedule of barangay elections
- Whether Congress effectively disenfranchised voters thereby violating their right to due process and their right to suffrage
- Whether the postponement of barangay elections is constitutionally constrained by the grounds enumerated under Section 5 of the Omnibus Election Code of the Philippines, subject to the sole determination of the Comelec
- Whether the postponement of the barangay elections, scheduled to be held on December 5, 2022, to October 2023 will amount to a “legislative” appointment of the incumbent barangay officials
- Whether RA 11935, the law postponing the Dec. 2022 barangay and SK elections, violates the “one subject, one title rule” enshrined in Section 26 (I), Article VI of the Constitution for supposedly amending Section 5 of Batas Pambansa Blg. (BP) 881 despite the general repealing clause found in Section 6 of RA 11935