Mga kunsimidor sa VECO magbayad sa mas taas nga bayranan sa Oktubre-Nobyembre nga billing cycle.
Matud pa sa VECO nga ang mga residential kostumer makasinati of P0.13 sentabos nga pagsaka sa ilang “average rate” sa maong billing cycle tungod sa pagsaka sa presyo sa lana sa merkado sa kalibutan.
Kini matud pa sa VECO apil na usab ang pagsaka sa transmission charges sa National Grid Corporation of the Philippines (NGCP).
Nagkanayon si Engr. Raul C. Lucero, ang presidente ug and chief operating officer sa VECO nga ang paninguha sa electric distribution utility sa pagpaubos sa “generation rates” pinaagi sa pagtapos sa uban nilang Power Supply Agreements (PSAs) naapsan kini sa volatile nga presyo sa lana sa tibuok merkado sa kalibutan.
“Visayan Electric is constantly trying to find ways to lower electricity cost such as renegotiating or terminating contracts with our power suppliers. However, the prices of fuel, the main source of power in the country, are really high right now and these are things that we cannot control,” matud pa ni Lucero.
Dugang pa sa VECO nga padayon ang ilang gitanyag nga “payment arrangements” sa ilang mga kustomers nga dili nakabayad og tibuok sa ilang billing sa kuryente.
Dugang pa niini nga ang “payment arrangements” nga ipaubos pa og assessment, pwede kini ma avail sa ilang mga service centers.
Ang VECO nga ikaduha sa labing daku nga electric utility sa Pilipinas nagserbisyo sa siyudad sa Cebu, Mandaue, Talisay ug Naga ingon man ang upat ka munisipyo, ang Liloan, Consolacion, Minglanilla ug San Fernando.
(By: April Therese Tan)