Lahat ng rehiyon sa Pilipinas ay minimal hanggang low risk na para sa COVID-19, inihayag ni Health Undersecretary Maria Rosario Vergeire nitong Lunes.
“All regions are now at minimal to low risk case classification with negative two-week growth rates and average daily attack rates less than seven per 100,000 population. Region 2 shows a positive two-week growth rate in the recent week,” sinabi ni Vergeire sa isang Department of Health media forum.
Dagdag pa niya, “Majority of the regions have a total COVID-19 bed and ICU (intensive care unit) utilization at low risk. Region 9 has its ICU utilization at moderate risk at 54 percent utilization.”
Para sa kabisera ng bansa, sinabi ni Vergeire na ang Metro Manila ay nasa “low risk case classification na may negatibong two-week growth rate at average daily attack rate na 2.69 bawat 100,000 indibidwal” na mas mataas kaysa sa dating 1.48.
Bukod dito, ang Pilipinas sa kabuuan ay nananatiling mababa ang panganib para sa coronavirus, ayon kay Vergeire. (By: Frances Pio)