By: April Therese Tan
Bisan pa man sa COVID-19 pandemya, ang Lapu-Lapu City, Cebu gipasidunggan sa Department of the Interior and Local Government pinaagi sa paghatag og “2021 Good Financial Housekeeping Award”.
Matud pa sa DILG nga ang maong award ihatag ngadto sa mga local government unit isip pagpasidungog sa ilang pagtuman ug kasihagan sa ilang pinansyal nga pagdumala isip usa sa mg basehan alang sa Seal of Good Local Governance.
“Bisan pa man sa mga dagkong pagsulay nga miabot sa atong syudad nga mikusokuso ug misukod sa atong administrasyon, malipayon ug mapasigarbuhon ako nga nalakip kita sa lista sa 2021 Good Financial Housekeeping Passers nga gipagawas sa Department of the Interior and Local Government, ” matud p Mayor Junard Chan sa iyang Facebook post.
Sa Lapu-Lapu City, ang bagyong Odette nakagusbat og 96,290 ka mga pobreng panimalay.
apan kay P236 million ra man ang pondo, aduna lang 47,200 ka panimalay ang mahatagan og tag P5,000 matag usa.
Apan gipaniguro sa mayor nga dili siya mohunong pagpangita og pondo alang sa nahabilin nga 48,800 nga mga panimalay.
Ang SGLG award, nga giila usab nga “Pagkilala sa Katapatan at Kahusayan ng Pamahalaang Lokal,” ihatag sa DILG ngadto sa mga siyudad ug munisipyo sa Pilipinas nga kuwalipikado sa natad sa kahusay ug kalinaw, pagdumala sa kalikupan, maabi-abihon sa negosyo ug kakompetensiya.
Ang paghatag sa maong award nagsugod pa 2010 panahon ni kanhi DILG Secretary Jesse Robredo. -(April Therese Tan)