By: April Therese Tan
Ang Lapu-Lapu City, Cebu magsugod na og pagmakuna sa ilang singko anyos ngadto onse anyos karong Pebrero 14 o Adlaw sa Kasing-Kasing diin gipahimangnuan ang mga ginikanan nga adto nila dad-on ang ilang mga anak sa Lapu-Lapu City Central School.
Sa dili pa bakunahan ang ilang mga anak, ang mga ginikanan o guardian irehistro una ang maong minor de edad sa vims.com.ph ubos sa maong kategoriya sa pag rehistro.
Pag Pebrero 11, 2022, aduna nay 4,311 ka mga bata edad singko anyos hangtud onse anyos nga na rehistro na.
Ang mga ginikanan o guardian nga mokuyog sa maong minor de edad angay nga magdala og identification card sa bata ug sa maong kuyog.
Importante usab nga ang ginikanan o guardian magdala og ebidensiya sa ilang relasyon sa maong minor de edad.
Samtang ang pagpamakuna sa edad dose anyos hangtud sa 17 anyos magpadayon kini sa vaccination centers nga naa nahimutang sa Lapu-Lapu Sports Complex sa City hall; Liberty Shrine sa Barangay Mactan; Pajo Gym nga tapad sa Pajo barangay hall; Marigondon National High School; Mactan Newtown; ug Lapu-Lapu City Central School.
Pag Pebrero 11, 2022 adunay na usab 38,751 nga mga batan-on nga nag edad 12 anyos ngadto sa 17 anyos ang na rehistro na usab.-(April Therese Tan)