––
Sa iya ika duwa nga adlaw sa Antique, ang makatatlo na nga termino nga Senador kag Senatorial Candidate subong nga si Loren Legarda amu ang nag inagurar sang pinakauna nga polyclinic sa banwa sang Libertad, Antique. Gin siguro ni Legarda nga ipadayon ya ang pag hatag sa mga Antiqueños sang kalidad nga serbisyo kag solusyonan ang mga problema nga naga apekto sa ila kaayohan kag ikaayong lawas.
“Unahon gid dapat naton permi ang ikaayong lawas sang aton mga kasimanwa ilabi na gid subong nga may pandemya. Malipayon gid ko nga napatigayon naton ang pagpatukod sang Libertad Polyclinic, ang una sa banwa sang Libertad matapos ang 72 years nga wala gid ini sang iya nga healthcare facility.” suno kay Legarda.
Si Legarda, co-sponsor sang Universal Healthcare Act, ang nag pondo sang pagpahimo sang Libertad Polyclinic sa idalom sang budget sang Department of Health. Ang makatatlo na nga termino sa pagka Senador kag ang dati man nga Chairperson of the Senate Committee on Finance, ang nag sigurado man nga ma pondohan ang 4 Barangay Health Stations kag 1 Rural Health Unit para sa banwa sang Libertad agud maka hatag sang mas maayo, safe, kag barato nga health services ilabi na gid sa mga pigado.
“Sa haros 72 anyos naton nga nangin isa ka banwa, kadya run gid mismo haros maabot naton ang aton ginadamgo nga isa ka marapit kag maayos nga serbisyo medikal nga kung sa diin may rugyan nga mga doktor, nars, kag medical personnel nga pagakonsuktahan kag magatatap, labortory tests, pharmacy, kag kwarto nga aton paga-admitan. Tanan ni naging possible sa bulig ng ni Deputy Speaker Loren Legarda. Duro duro gid nga salamat ang aton pinalangga nga Congresswoman Inday Loren sa pagduso kang dya nga manami nga proyekto,” suno kay Mayor Mary Jean Te, Municipal Mayor sang Libertad.
Para sa alkalde sang Libertad, isa sa mga kabudlayan sang mga tawo sa Libertad ang pag byahe sang 30 minutos pakadto sa pinakalapit nga ospital sa Pandan kag ang pag byahe sang tatlo ka oras pakadto sa capital town sang San Jose kung ang medical and health services nga kinahanglan sang pasyente wala sa Pandan kag maka kumpormiso sa kondisyon sang pasyente.
“Ang pagpaubra kag pagpanami sang mga healthcare facilities sa kada banwa sa Antique amu ang parte sang akon inisyatibo sa pagdala kag pagpalapit sang mga programa kag serbisyo sang gobyerno sa mga tawo. Ang manami kag dekalidad nga healthcare ang isa sa mga basic rights nga permi gina kalipatan kag gina balewala. Bilang isa ka public servant, akon ini responsibilidad nga masigurado nga ang kada Antiqueño makakuha sang maayo kag bastante nga healthcare services ilabi na gid sa pigado kag sa mga malayo nga lugar.” suno kay Legarda.
“Ipadayon naton ang paghatag sang importansya sa ikaayong lawas sang aton mga kasimanwa kay ang probinsya nga may manami nga programa sa ikaayong lawas mangin isa ka probinsya nga produktibo kag padayon sa pag uswag”