Kanhi three-termer nga Senador ug karon magpasubli nga si Loren Legarda, nag awhag sa gobyerno nga ipadayon ang mga kalihokan para matubag ang kawad-on sa trabaho ug ang pagduso sa sustainable nga development isip apil sa plano sa pagkalingkawas sa nasud niining pandemya sa usa ka campaign sortie didto sa Cavite
Bisan man ug anaa sa 6.4 percent ang unemployment rate nga igo-igo na kung itandi sa 17.7 percent kaniadtong April 2020, gipahingusgan gihapon ni Legarda ang pagkuha ug mga alternatibong trabaho para sa mga walay trabaho karon para mas mahatagan pa ug pokus ang pagbangon sa ekonomiya mahitungod aning hulga nga atong nakasinati karon.
“Hinay-hinay na nga mingbarog ang atong nasud gikan niining hulga sa pandemya ug sunod-sunod nga mga kalamidad. Gikan sa 7.3 million nga Pilipino nga walay trabaho kaniadtong April 2020, anaa na laman sa 2.93 million ang numero karon. Apan ang 2.93 million usa gihapon ka dakong numero ug usa kin isa mga angay hatagan ug tubag karon dayon. Kinahanglan atong palapdan atong kalihukan para mas makahatag ta ug trabaho labi na sa atong nagkadaghan nga populasyon.” Sumat ni Legarda.
Para matubag kini, gilunsad balik ni Legarda ang iyang programa nga “LOREN sa bawat barangay” para mas mapahingusgan ug matarong ang implementasyon sa Micro, Small and Medium Enterprises (MSME) Law (RA 9501) ug ang Barangay Livelihood and Skills Training Act (RA 9509), nga iyang gi author ug sponsor sa iyang termino isip Senador.
“Importante nga hugot atong pag implementar sa paghimo ug employment. Ang mga programa para sa MSME usa ka sigurado nga plataporma para makahimo ug pangempleyo ug mas nindot nga kita para mas mulambo ang ekonomiya labi na diri sa grassroots nga lebel. Sa samang higayon, ang Barangay Livelihood and Skills Training Act naghatag ug higayon sa mga micro entrepreneurs para makakat-on pinaagi sa mga libreng skills training para mas mapalapad nila ang ilang kapasidad ug kaalam nga maoy rason nga mas prudoktibo sila.” Sumala pa kang Legarda.
“Mao nan ga naga awhag ko sa local nga gobyerno sa Cavite nga makighiusa sa akong programa nga tumong niining mas mahatagan ug lapad nga programa para sa panginabuhi sa kada barangay. Kinahanglan natong mas mapaduol ang mga programa sa gobyerno ngadto sa atong mga nasakupan. Kinaganglan natong ipahibalo kanila ang mga programa nga pwede nilang kuhaon para sa ilang tagsa-tagsang paglambo ug sa atong mga LGU nga anaay dakong papel nga buhaton niini tungod kamo ang mas may kahibalo sa ilang panginahanglanon.”dugang ni Legarda.
Tungod niini, gibutyag usab ni Legarda nga ang sustainable development ug ang pagpakatap sa mga “green jobs” kinahanglan nga ibutang sa nagpadayong trabaho sa gobyerno sa pagpasaka sa statistiko sa trabaho sa atong nasud.
“Ang Cavite naay lapad nga yuta ug himsog nga marine biodiversity, nga nagdugang sa iyang potential nga makahatag ug data sa sustainable development ug sa paghatag ug green jobs nga makatabang sa atong gobyerno nga masustener ang mga socio-economic nga kita samtang gipadayon ang pag-atubang sa climate change sa pakigbatok niini. Usa ka example na lang ang mga renewable energy projects, ang pagpalambo sa agrikultura, forestry ug horticulture. Ang environmental information technology pwede makahatag ug trabaho ug maghatag ug oportunidad para sa panginabuhi sa mga komunidad sama na lamang sa pag recycle sa mga waste materials nga himuon kining mga produkto, nga makasulbad usab sa atong problema sa basura.” Ingon ni Legarda.
“Ang kinahanglan natong hatagan ug pagtagad ang paghatag ug oportunidad ug paglaum sa atong mga nasakupan nga kaya nila nga mubarog ug magsugod utro bisan man sa mga kalisod nga atong naagi-an sama na laman sa pandemya ug kalamidad. Ato usab suta-on ang mga oprtunidad sa paglambo para masigurado nato nga ang pagdevelop nato patas ug walay mabiyaan. Atong hatagan ug importansya atong pwersa, labi na tong mga naa sa marginalized nga sector, kay nagatuo ako nga ang pag pangempleyo nila ug ilang panginabuhi-an ang ilang kinahanglan para maka recover sila ug makabarog utro.” Panapos ni Legarda.
Sa iyang 20 ka tuig sa serbisyo publiko, si Legarda nag advocate para sa mas maayong employment facilitation ug mas accessible nga oportunidad sa pagpanginabuhi para sa tanang Pilipino. Ang Probinsya sa Cavite naka benipisyo sa DOLE TUPAD ug Government Internship Program (GIP); TESDA programs sama sa Barangay Kabuhayan Skills Training Program (BKSTP), Training for Work Scholarship Program (TWSP), ug Special Training for Employment Program (STEP); ug ang DSWD Assistance to Individuals in Crisis Situation (AICS), labi na sa mga LGU nga apektado sa pag buto sa Taal Volcano, kining tanan napundohan pinaagi kang Legarda.
Siya usab nakahatag ug tabang para mas mapalapad ang healthcare sa probinsya. Iyang gi inagura ang Ospital ng Tagaytay ug naghatag usab ug dugang pondo para sa mga ekipo sa Bacoor District Hospital sa Cavite. Sa iyang lihok, naa usab mga proyekto nga gihatag sa probinsya: ang paghimo ug pag-ayo sa mga karsada, paghimo ug multipurpose buildings sulod sa Cavite State University ug sa ubang barangay sa Carmona ug Bacoor, ug ang pagtukod ug villa-type nga cottage sulod sa Development Academy of the Philippines-Tagaytay, nahimong possible tungod kaniya.