Ang kandidata sa Cebu City nga si Beatrice Luigi Gomez mao ang gikoronahan isip bag-ong Miss Universe-Philippines samtang ang kandidata sa Cebu Province nga si Steffi Rose Aberasturi nidaog isip second runner-up sa gipahigayon nga koronasyon didto sa Bohol Province kagabie, Setyembre 30, 2021.
Ang ubang mga kandidata nga nidaog mao sila Miss Universe Philippines Tourism, Katrina Dimaranan sa Taguig, Miss Universe Philippines Charity Victoria Velasquez Vincent sa Cavite ug First Runner-Up Maureen Wroblewitz sa Pangasinan.
Ang bag-ong Miss Universe-Philippines mao usab ang napili isip Miss Luxxe Immunplus Game Changer ug Miss Creamsilk. Napili usab siya isip Best in Swimsuit ug Best in Evening Gown.
Samtang si Aberasturi napili isip Miss Luxxe White Reveal Instabright Stunner.
Si Aberasturi nakoronahan isip Binibining Cebu sa tuig 2018 samtang si Gomez ang 2020 Binibining Cebu.
(By: April Therese Tan)