By Frances Pio
Asahan ang rollback ng presyo ng langis ngayong linggo, simula Abril 5, inihayag ng mga kumpanya ng petrolyo nitong Lunes.
Sinabi ng Shell, Cleanfuel, Petro Gazz, SeaOil, Caltex, at Metro Oil na babawasan ng P1.85 kada litro ang presyo ng kanilang diesel at P2.30 kada litro ang babayaran sa kanilang gasolina.
Ang presyo ng kerosene, na inaalok ng Shell, SeaOil, Caltex, at Metro Oil, ay bababa ng P1.65 kada litro. Magkakabisa ang price adjustment sa Martes, 6 a.m. maliban sa Cleanfuel at Caltex.
Ang rollback ng presyo ng Caltex at Cleanfuel ay magkakabisa sa Martes, 12:01 a.m. at 8:01 a.m, ayon sa pagkakabanggit.
Magkakaroon rollback matapos ideklara ni United States President Joe Biden ang pagpapalabas ng langis mula sa kanilang strategic petroleum reserve.
Kamakailan, isang serye ng mga pagtaas ng presyo ng langis ang naganap kasunod ng pagsalakay ng Russia sa Ukraine at ang mga kasunod na parusa na ipinataw sa Russia, isang pangunahing producer ng krudo.